"O BNG ten as portas abertas para todos, pero non agarda por ninguén". Ese ninguén, por suposto, era Xosé Manuel Beiras, o dimisionario presidente do Consello Nacional. Con estas palabras tentaba pasar páxina o voceiro nacional da fronte nacionalista galega, Anxo Quintana, logo do Consello Nacional, o m&a "O BNG ten as portas abertas para todos, pero non agarda por ninguén". Ese ninguén, por suposto, era Xosé Manuel Beiras, o dimisionario presidente do Consello Nacional. Con estas palabras tentaba pasar páxina o voceiro nacional da fronte nacionalista galega, Anxo Quintana, logo do Consello Nacional, o máximo órgano entre asembleas. Nunha reunión moi breve non entraron sequera na discusión sobre a dimisión do histórico dirixente. Quintana fixo un chamamento a pechar fileiras e os conselleiros decidiron "tomar nota da renuncia", ao tempo que a "amentaban" e "respectaban". Tamén lle pedían a Beiras que contribúa co seu traballo na organización a "conseguir o cambio galego que o país necesita".
Ninguén defendeu a Beiras, que esa mesma mañá aclarou moito as cousas nunha longa entrevista en El País. Nela atacábase non só á UPG, que propiciou o seu relevo como candidato á presidencia da Xunta, senón tamén ao seu sucesor Anxo Quintana, e a toda a organización, da que afirma "non sei a onde vai". Pero, se cadra, o mellor é a explicación de por que a UPG decidiu propiciar o seu relevo como candidato: "sabían que eu como presidente da Xunta non era controlábel pola organización".